logo
Advertisement

नेपालको द,बा*बपछि भारत दशगजाबाट पछाडि हट्यो !

७ जेष्ठ २०७७, बुधबार मा प्रकाशित

पछिल्लो समय नेपाल र भारतबीचो सीमा बिवाद चर्किदो छ । नेपालको धेरै भुमि भारतले मिचेको छ । जसको बिरोध लामो समय देख भैईरहेका छन् । र, अहिले त्यसले उ*ग्र रुप लिएको देखिन्छ । पर्सास्थित ठोरीका बासिन्दाको विरोध र अडानपछि भारतीय पक्षले दशगजा क्षेत्रमा बनाउन लागेको सुरक्षा पोस्ट सीमाबाट करिब ३० मिटर पर सारेको छ । आजको कान्तिपुरमा शंकर आचार्यले लेखेको समाचार अनुसार भारतीय पक्षले वन गस्तीका लागि भन्दै सोमबारदेखि ठोरी गाउँपालिका–४ विजयबस्तीस्थित दशगजामै टावरसहितको सुरक्षा पोस्ट बनाउन थालेको थियो ।

अचानक गिट्टी, बालुवा झारेर निर्माण कार्यसमेत थालेको भारतीय पक्षलाई स्थानीयले रोकेका थिए । मंगलबार फेरि दशगजामै सुरक्षा पोस्ट बनाउन भारतीय सुरक्षा फौज एसएसबी, बिहार प्रहरी र भारतीय वन विभागका अधिकारी आएका थिए । करिब २ सय ५० को संख्यामा भेला भएका स्थानीय, नेपाल तथा सशस्त्र प्रहरीसमेतको संयुक्त विरोध र अडानपछि भारतीय पक्ष आफ्नै भूमिमा सुरक्षा पोस्ट निर्माण गर्न सहमत भएको हो ।

ठोरी–४ का वडाध्यक्ष बहीबहादुर पाख्रिनले ठोरीवासी र जनप्रतिनिधिको अडानले भारतीय पक्ष पछि हटेको बताए । ‘कुनै पनि हालतमा दशगजामा सुरक्षा पोस्ट बनाउन दिन्नौं भनेर हामीले अडान लियौं,’ उनले भने, ‘भारतीय पक्ष अन्तत पछि हट्न तयार भयो’। सशस्त्र प्रहरी बल सुवर्णपुर बीओपीका प्रमुख सशस्त्र प्रहरी निरीक्षक सिंहवीर मल्लले भारतीय पक्षले भ्यु टावरसहितको सुरक्षा पोस्ट निर्माण गर्न खोज्दा विवाद भएको बताए ।

यसअघि ठोरी गाउँपालिका–४ स्याउलीबस्तीमा पनि यसरी नै दशगजामै वन विभागको पोस्ट बनाउन खोज्दा स्थानीयले विरोध गरेपछि भारतीय पक्ष पछि हटेर आफ्नै भूमिमा बनाइरहेको छ । करिब ५ वर्षअघि भारतीय पक्षले ठोरी–३ स्याउलीबस्तीको दशगजा क्षेत्रमै जबर्जस्ती भ्यु टावर बनाएको छ । पटकपटक भारतीय पक्षले नेपाली भूमि अतिक्रमण गर्न खोज्दा यहाँका स्थानीयले चर्को विरोध गर्दै आएका छन् ।

Recent Comments

Top